धुर्मुस-सुन्तली’को ‘लोटे चर्पी'

चर्चित हाँस्य कलाकार जोडी सिताराम कट्टेल ‘धुर्मुस’ र कुञ्जना घिमिरे ‘सुन्तली’ले ‘लोटे चर्पी’ नामक छोटो चलचित्र निर्माण गरेका छन् । सरसफाइसँगै सम्बन्धित बिषयमा तयार पारिएको यो छोटो चलचित्रमा सिताराम मधेसी पात्रको भूमिकामा देखिएका छन् ।

‘के छु की’ थेगो प्रयोग गर्दै उनी काकुलाल नामक पात्रको रुपमा देखिएका छन् । साथमा कुञ्जना घिमिरे, नाजिर हुसेन पनि ट्रेलरमा देखिएका छन् । यो छोटो चलचित्र युटुब, हल र टेलिभिजनको पर्दामा चाडै नै सार्वजनिक हुने बताइएको छ । 
नेपाललाई सफा बनाउने अभियान लिएर हिडेको यो जोडी अब चलचित्रको माध्यमबाट पनि जनचेतना जगाउन अगाडि सरेको छ ।