अन्तर्राष्ट्रिय मञ्चमा नेपाली बालिकाहरूको उपलब्धि

टर्कीको अन्तालियामा सम्पन्न लिटिल मिस वल्र्ड–२०१५ प्रतियागितामा नेपालका तर्फबाट सहभागिता जनाएका सबै नेपाली बालिकाहरूलाई सफलता प्राप्त भयो । उक्त प्रतियोगितामा लिटिल मिस वल्र्ड नेपाल–२०१५ का विजेता स्मृति न्यौपानेसहित सेकेन्ड रनर्सअप स्नेहा बज्राचार्य, थर्ड रनर्सअप निर्जला कार्की, फोर्थ रनर्सअप प्रसुना सापकोटा र ट्यालेन्ट एवार्ड विजेता कृपा लामा तथा विसिका अथारे पुनको सहभागिता थियो । ती सबैले एक–एकवटा उपाधि जिते । स्मृति न्यौपानेले टिन प्रिन्सेस अफ द वल्र्ड, स्नेहा बज्राचार्यले लिटिल लेडी अफ द वल्र्ड, निर्जला कार्कीले टिन प्रिन्सेस अफ द वल्र्ड, प्रसुना सापकोटाले लिटिल ट्यालेन्ट अफ द वल्र्ड, कृपा लामाले लिटिल स्टार अफ द वल्र्ड तथा विसिका अथारे पुनले लिटिल प्रिन्सेस अफ द वल्र्ड एवार्ड प्राप्त गरे ।

यसैगरी टर्कीको बोड्रममा सञ्चालित लिटिल मिस एन्ड मिस्टर वल्र्ड–२०१५ मा मेघिका काप्रीले मस्ट ट्यालेन्टेड र फोटो मोडल अफ द वल्र्ड गरी दुई एवार्ड प्राप्त गरिन् । टर्कीकै अन्तालियामा सम्पन्न लिटिल मिस एन्ड युरेसिया–२०१५ मा समृद्धि थापा फस्ट रनर्सअप तथा लिटिल मोडल–२०१५ को अवार्ड जितिन् भने ९ वर्षीया संयुक्ति थापाले प्रिन्सेस अफ युरेसिया–२०१५ को उपाधि जितिन् ।

उता १४ वर्षीया गरिमा ज्ञवाली अमेरिकाको मिनेसोटामा सम्पन्न ग्लोबल युनाइटेड प्याजेन्ट–२०१५ मा टिन डिभिजनतर्फ ट्यालेन्ट एवार्ड र आफ्नो उमेर समूहमा रनर्सअपको उपाधि जित्न सफल भइन् । यसै वर्ष ९ देखि १८ वर्ष उमेर समूहका बालिका तथा किशोरीहरूमा लक्षित अन्तर्राष्ट्रिय स्पर्धा फेस्टिभल मोडल एन्ड ट्यालेन्ट वल्र्ड–२०१५ मा पनि नेपालको प्रतिनिधित्व गर्दै टर्की पुगेकी गरिमा ज्ञवालीले कन्टिनेन्टल एवार्ड प्राप्त गरिन् भने सोही प्रतियोगितामा उनी चौथो उमेर समूहमा क्याटवाक विधाकी विजेता छानिइन् ।

दुई शब्दले बनेको आमा शब्द महान छ !!!

आमा तिम्ले जन्म दिई धर्तिमा छुवायौ दुधको धारा अमृत प्याई हामीलाई हुर्कायौ आफ्नो मुटु फुटाएर हालि दियौ भित्र नखाएर भोकैबस्यौ हामीलाई खुवायौ हामी लाई हँसाएर आफूलाई रुवायौ जन्म दिने आमा सबैभन्दा प्यारो पूजा गर्न योग्य नारी हुनुहुन्थ्यो मेरी आमा मुटु भन्दा धेरै प्यारी हुनुहुन्थ्यो मेरी आमा

निलम ढुंगाना

स्टार्स अन द रेड कार्पेट

Friday, 25 December 2015 स्टार्स अन द रेड कार्पेट क्रिसमस इभको अवसर पारेर बिहिबार राती काठमाडौंमा फेसन शोसहितको रमाइलो कार्यक्रम आयोजना गरिएको छ । क्रिसमसको खुशीयाली साटासाट गर्ने उदेश्यले र्‍याडिसनमा आयोजना गरिएको ‘स्टार्स अन द रेड कार्पेट’ शीर्षकको कार्यक्रम सांगीतिक समुह समक्षको लाइभ इन्ष्ट्रूमेन्टबाट प्रारम्भ भएको थियो । राती ८ बजेपछि प्रारम्भ भएको कार्यक्रममा चलचित्र ‘बागमती’ की नायिका श्रीया कार्कीसहितका मोडलहरु क्याटवाक गरे । कार्यक्रममा चलचित्रका नायिका केकी अधिकारी सहभागि भएपनि उनले क्याटवाक गरिनन् । । राइज म्युजिकका विनोद सिंहले संयोजन गरेको यो कार्यक्रमका लागि मोडलहरुलाई कोरियोग्राफर सपना अधिकारीले क्याटवाक प्रशिक्षण दिएकी थिइन् । फेसन शोमा विभिनन पाँच वटा सिक्वेन्समा फेशन शोमा औरा बुटिक, आइकोनिक बुटिक आदिले तयार पारेका पहिरनहरु प्रदर्शन गरेका थिए । कार्यक्रममा सुगम पोखरेल, कमल खत्री, सुमन श्रेष्ठ, कीर्ति नेपाली, क्रिस रासल आदिले लोकप्रिय गीत–संगीत प्रस्तुत गरेर कायृक्रमलाई संगीतमय बनाएका थिए ।

यस्ती छिन् सन् २०१५ की मिस वल्र्ड बनेकी स्पेनेस सुन्दरी (फोटोफचर)

सान्या – विश्वविद्यालयबाट स्नातक गरेकी स्पेनिस सुन्दरी सन् २०१५ को मिस वल्र्डको उपाधि जित्न सफल बनेकी छिन् । बार्सिलोनाकी मिरेइया लालागुना रोयोले १ सय १३ प्रतियोगीहरुलाई पछि पार्दै मिस वल्र्डको ताजमा आफ्नो कब्जा जमाउन सफल रहिन् । चीनको सान्या थिएटरमा भएको प्रतियोगितामा रसियाकी २२ वर्षीया सुन्दरी सोफिया निकिटचुक फस्ट रनर अप बनिन् भने इन्डोनेसियाकी २३ वर्षीया मारिया हारफन्तीले तेस्रो स्थान हासिल गरिन् । टप फाइभमा मिस जमाइका र मिस लेबनान परिन् ।

सन् २०१५ मा इन्स्टाग्राममा सबैभन्दा चर्चित फोटो

(एजेन्सी)१९ वर्षिया मोडल केन्डल जेन्नर सन् २०१५ मा इन्स्टाग्राममा सबैभन्दा धेरै लाईक पाउने व्यक्ति बनेकी छिन् । आफ्ना कपाल मुटुको आकार बनाएर छरेर भुइँमा लडिरहेका उनको फोटोले गत मेइदेखी अहिलेसम्म ३ दशलमव २ मिलियन लाइक पायो ।