प्रमोदको गीतमा ‘झुमा’ बनिन् प्रियंका

नायिका तथा मोडल प्रियंका कार्की झुमा बनेकी छिन् । उनी गायक प्रमोद खरेलको आवाजम समावेश ‘ओइ झुमा झुम्कावाली’ बोलको गीतमा झुमा बनेकी हुन् ।

भिडियो निर्देशनमा आफ्नो छुट्टै पहिचान बनाएका निर्देशक नितिन चन्दले यो भिडियो निर्देशन गरेका हुन् । भिडियोमा आमिर शेख, सुधिर खनाल, सुजन रेग्मी र सौरभले मोडलिङ गरेका छन् ।

अर्जुन पोख्रेलको संगीतमा तयार भएको गीतमा शित्तल कादम्बिनीको शब्द छ । सार्वजनिक भएको छोटो समयमा नै यो भिडियोले युटुबमा चर्चा पाइसकेको छ ।

गायक खरेलका  गीतहरु चर्चामा रहने भएकाले पनि श्रोता तथा दर्शकले खोजी खोजी हेर्ने गरेको पाइन्छ ।