विश्व फेसन जगत्मा नाम कमाएका फेसन डिजाइनरहरूले आफ्ना पछिल्ला फेसन सिर्जनालाई प्रदर्शन गरेको र्याम्पमा नेपाल तथा नेपालीपन झल्कने पहिरनले पनि आफ्नो उपस्थिति जनाउने अवसर प्राप्त गरेको छ ।
फेब्रुअरी महिनाको मध्यतिर न्युयोर्क सहरको टाइम्स स्क्वाएर म्यानहाटनस्थित क्राउन प्लाजामा सम्पन्न २३ औं संस्करणको कुचर फेसन विकअन्तर्गत नेपालीपन झल्कने पहिरनले रनवेमा आफ्नो उपस्थिति जनाएको हो । उक्त अवसरमा नेपाली दौरा–सुरुवाल र नेपाली ढाका टोपीमा सजिएका नेपाली मोडल दीपक घिमिरेसँगै करिब एक दर्जन विदेशी मोडलले नेपालको कला, संस्कृति एवं नेपालको पर्यटन प्रवद्र्धनमा सहयोग हुने खालका नेपाली कपडाबाट तयार पारिएका पहिरनहरू प्रदर्शन गरे ।
रंगी–विरंगी कपडा प्रयोग गरी तयार गरिएका ती पहिरन प्राय: स्लिभलेस स्वरूपमा वन् पिस शैलीका थिए, जसमा क्याजुयल पहिरनको बाहुल्यता देखियो । उक्त पहिरनहरू राइजिङ इन्टरनेसनल कम्पनीले तयार पारेको थियो ।
Posts
0 comments:
Post a Comment