झम्के साँझ पारम्की दिउँसै आम’ भन्दै दिउँसै बुटवलमा केटा जिस्काउँदै मोडल पूर्णिमा श्रेष्ठ

बुटवल–प्राय गरेर हाम्रो समाजमा युवकले युवती जिस्काउनु कुनै नौलो कुरा लाग्दैन तर, एउटा यस्तो घटना घट्यो जहाँ युवतीले युवक जिस्काएको देखियो । बुटवलको राजमार्ग चौराहामा रहेको बस प्रतिक्षालयमा बसिरहेको एक युवकलाई एकजना छोटो–छोटो स्कर्ट लगाएको युवतीले जिस्काई रहेकीथिइन भने युवतीको सेक्सी जिउडाल र उनको कामुक नजरसँग आतिएर ति युवक टाढा–टाढा भागी रहेका थिए ।

त्यो क्रियाकलाप देखेपछि बुटवलदेखि भैरहवा, सुनौली, काठमाडौँ, पाल्पा, पोखरा जाने यात्रुहरुको एकैछिनमा भिडभाड बढ्न थाल्यो । ति युवकलाई जिस्काउने युवतीले सबैको माझमा के चुम्मन गर्न आटेकी थिइन लगत्तै अगत र अगत भन्दै एकजना निर्देशक चिच्याउन लागे । उनी अरु कोहि नभएर निर्देशक बिष्णु भट्टराई थिए । बुटवलकै चौराहामा केटा जिस्काउने युवती अरु कोहि नभएर चर्चित मोडल पूर्णिमा श्रेष्ठ थिईन । प्रसङ्ग म्युजिक भिडियो सुटिंगको थियो ।

रुपन्देहीकै रामापुर निवासी विक्रम राना मगरको शब्द संगीतमा रहेको अत्यन्तै रमाइलो लोक पप ‘झम्के साँझ पारम्की दिउँसै आम’ भन्ने बोल रहेको गीतको म्युजिक भिडियो बुटवल, बन्बाटिक र रामापुर आसपासमा सम्पन्न भएको छ । फेसबुकमा लव गरेर भेट्न जाने रमाइलो गर्ने युवा–युवतीको प्रसङ्गलाई समेटेर तयार पारिएको भिडियोको निर्देशन सम्पादन बिष्णु भट्टराईको रहेको छ भने छायांकन पवन घिमिरेको र श्रृंगार सगुन शर्माको रहेको छ ।

अत्यन्तै चर्चामा आएकी मोडल पूर्णिमा श्रेष्ठ र बिक्रम राना मगरको अभिनय रहेको भिडियोमा रोशन विकाश र अन्य कलाकारले साथ दिएका छन । अविरल फिल्म्स प्रा. लि. ले बजार व्यवस्थापन तथा दृश्य निर्माणको जिम्मा लिएको रमाइलो गीत अब छिट्टै दर्शक माझ आउने जानकारी निर्माण युनिटले दिएको छ ।