नेपाल आमा रोएको हेर्न सक्दिनः नन्दिता

वासिंगटन डिसी । नेपाली
नायिका नन्दिता केसीको
अमेरिका भ्रमण लगभग
सकिएको छ । उनी अगस्त ३०
मा नेपाल फर्किदै छिन् ।
नन्दिताले नेपालका भूकम्प
पीडितको सहयोगार्थ
क्यालिफोर्नियामा
भएको नेपाल दिवसमा
सहभागी भई आफ्नो
प्रस्तुति समेत दिइन् ।
उनको यो पहिलो अमेरिका भ्रमण हो । त्यसकारण पनि नन्दिता दंग छिन् ।
यहाँको रहन सहन देखेर आफुलाई अमेरिकाले मोहनी लगाएको बताइन् ।
नेपालबाट के लिएर अमेरिका आउनु भएको थियो भन्ने प्रश्नको जवाफ दिंदै
नन्दिताले भनिन ‘नेपाली चलचित्र उद्योगको बारेमा विश्वलाई चिनाउन
मुलुकको प्रतिनिधित्व गरेर आएकी हुँ ।’
।
अमेरिकी व्यस्त जिवनमा पनि समय व्यवस्थापन गर्दै नेपाली कलाकारप्रति
चासो राख्ने धेरै नेपाली भेटिन् । अमेरिकावासी नेपालीले देखाएको माया,
सद्भाव, समर्थन र सकारात्मक धारणाले कलाकार उत्साहित भएको उनको
भनाई थियो ।
संवाददाताहरुसँग कुरा गर्दै नन्दिताले भनिन् – ‘टीकापुर घटनाले भाबुक
बनाएको छ । यो दर्दनाक घटना हो ।’ एक नेपालीले अर्को नेपालीलाई गरेको
अमानवीय ब्यबहारप्रति आफु चिन्तित रहेको उनको भनाई छ ।
आफु जहाँ गएपनि नेपाल र नेपालीलाई सम्झिरहने बताउँदै नेपाल आमा रोएको
कहिल्यै हेर्न नसक्ने धारणा राखिन् ।
अमेरिकाले नेपाली कलाकारलाई राम्रै सम्मान दिएको बुझेकी नन्दितालाई
लाग्छ । धेरै कलाकार अमेरिका आउनुको एउटा कारण यो पनि हो ‘अमेरिकाले
इज्जत र पैसा दुबै दिन्छ ।’
अमेरिकामा बस्ने नेपाली कलाकारले नेपाली कला, संस्कृति र संगीतलाई
निरन्तरता दिएकोमा खुसी ब्यक्त गरिन् उनले ।
नेपाली चलचित्र, कला र संस्कृतिको लागि विदेशमा बसेर पनि काम गर्न
सकिने कुरा अमेरिका भ्रमणमा महसुस गरेको नन्दिताको भनाई थियो ।